കൊച്ചി: സിനിമ നിര്മ്മാതാവ് ജോബി ജോര്ജ് തനിക്കെതിരെ വധഭീഷണി മുഴക്കുന്നുവെന്ന് നടന് ഷെയ്ന് നിഗം.ഗുഡ്വില് എന്റര്ടെയ്മെന്റ് ജോബി ജോര്ജ് നിര്മ്മിക്കുന്ന വെയില് എന്ന ചിത്രത്തിലെ നായകനാണ് ഷെയ്ന് നിഗം. ഈ ചിത്രത്തിന്റെ ഒന്നാം ഷെഡ്യൂള് കഴിഞ്ഞതിന് ശേഷമാണ് നടനെതിരെ നിര്മ്മാതാവ് വധ ഭീഷണിയുമായി രംഗത്ത് എത്തിയത്.
സംഭവത്തില് ഷെയ്ന് നിഗം മാധ്യമങ്ങളോട് പറഞ്ഞത് ഇങ്ങനെ – ജോബി ജോര്ജ് നിര്മ്മിക്കുന്ന വെയില് എന്ന ചിത്രത്തിന്റെ ഒന്നാം ഷെഡ്യൂള് 20 ദിവസമാണ് നിശ്ചയിച്ചത്, ഇത് 16 ദിവസത്തില് പൂര്ത്തീകരിച്ച് സന്തോഷത്തോടെയാണ് ആ സെറ്റില് നിന്നും അടുത്ത പടമായ കുര്ബാനിയുടെ സെറ്റിലേക്ക് പോയത്.
ഈ ചിത്രത്തിന്റെ ഷൂട്ടിംഗ് മാങ്കുളത്താണ് നടക്കുന്നു. ഈ രണ്ട് ചിത്രങ്ങളിലുമായി മൂന്ന് ഗെറ്റപ്പിലാണ് ഞാന് വരുന്നത്. വെയിലിനായി, മുന്നിലെ മുടി നീട്ടിയ ഒരു ഗെറ്റപ്പുണ്ട്.
എന്നാല് കുര്ബാനി മറ്റൊരു ഗെറ്റപ്പ് വേണ്ടതിനാല് പിന്നിലെ മുടി അല്പ്പം മാറ്റി. ഇതില് തെറ്റിദ്ധരിച്ച് നിര്മ്മാതാവ് ജോബി, ഞാന് വെയില് ഷൂട്ട് മുടക്കാനാണ് ഇത് ചെയ്തത് എന്ന് ആരോപിച്ച് എനിക്കെതിരെ വധ ഭീഷണി മുഴക്കുകയാണ്. തന്നോടും,വെയിലിന്റെ നിര്മ്മാതാവിനോടും വളരെ മോശമായ ഭാഷയിലാണ് ജോബി പെരുമാറിയത്.
നവംബര് 15ന് ശേഷമാണ് വെയിലിന്റെ അടുത്ത ഷെഡ്യൂള്. അപ്പോഴത്തേക്കും പരിഹരിക്കാവുന്ന ഒരു ഗെറ്റപ്പ് ചെയ്ഞ്ചിന്റെ പേരില് തനിക്കെതിരെ നിര്മ്മാതാവ് നടത്തുന്ന ആക്ഷേപവും ഭീഷണിയും എന്നെ ഏറെ ഭയപ്പെടുത്തുന്നുണ്ട്.
സംഭവത്തില്, താരസംഘടനയായ അമ്മയ്ക്ക് പരാതി നല്കിയിട്ടുണ്ട്. ഇതില് അമ്മ പ്രൊഡ്യൂസേര്സ് അസോസിയേഷനുമായി ബന്ധപ്പെട്ടു എന്നാണ് അറിയുന്നത്. വെയില് സംവിധായകന് പോലും തന്റെ ഗെറ്റപ്പ് ചെയ്ഞ്ചില് പരാതിയില്ല. അപ്പോഴാണ് ജോബി ഭീഷണി മുഴക്കുന്നത്. ഇതിനെതിരെ പൊലീസിനെ സമീപിച്ച് നിയമനടപടികളുമായി മുന്നോട്ട് പോകാനാണ് തീരുമാനം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
